رفع علم مصر على اطول سارى فى العالم (هيافه)

كنت بتمنى بدل ما نحتفل بحاجه هايفه زى دى ونصورها على انها انجاز عظيم اننا
نحتفل برفع كرامة مصر امام العالم نحتفل برفع قيمة وكرامة الانسان المصرى الى
اعلى قمة بدل ما يكون مصيره الدهس تحت المدرعات والتعذيب حتى الموت
والقنص على الحدود بدون ثمن . انا نفسى حد يجوبنى ويقولى ايه الانجاز والانتصار
الى تم فى صناعة سارى علم اتكلف 500 طن حديد طيب ال 500 طن حديد دول كانو ممكن ينفذو كم وحده سكنيه لناس مش لقيه سكن .
بعيد بقى عن كل ده ضيقنى حاجه اكتر فى الاحتفاليه بتعتهم دى اصرر المذيعه
وكل المتحدثين على انهم ينسبو هذا الانتصار التاريخى المذعوم الى قيادات القوات المسلحه مع انهم ذكرو اكثر من مره ان المشروع ده مخطط ليه وبداء العمل له من
اكثر من سنه يعنى فى عهد المخلوع يعنى لو جنابه لسه كان ممسك بزمام الامر
كان بردو هيطلع نفس المذيعه ونفس الناس ويصورو انجازهم المزعوم ده على انو
انجاز سيادة الرئيس المبجل عليه من الله ما يستحق.
من الواضح اننا امه تربت على النفاق امة تربت على صناعة مجد زائف زى
فتوحات القائد العظيم حسن شحاته ومنتخب مصر الى طبعا كانت بفضل مكالمات
سيادة الرئيس وبدعم السيدان علاء وجمال يا ساده تكريم مصر وتكريم علم مصر
مش برفعه على اعلى سارى فى العالم تكريم مصر وعلم بمصر بتكريم المواطن
المصرى والحفاظ على كرامته تكريم العلم المصرى باننا منسمحش ان دم الناس
الى راح علشان البلد دى تقوم تانى والعلم ده يفضل مرفوع يروح ببلاش كده
ولو القصة تكريم يبقى كان من باب اولى تكريم بطل زى أيمن حسن الذي ثار عندما
رأى أحد الجنود يمسح حذاءه بعلم مصر ونفذ عملية فدائه قتل فيها 21اسرائيلى
وكان خير تكريم له السجن لمدة 12 عام وبعدها يخرج بدل ما يتكرم يكون مصيره
التجاهل والنسيان وفي النهاية يعمل كسباك متنقل لا يجد حتى محلاً يمتلكه.
يا سادة كرامة مصر فى كرامة المصرى رفعة العلم المصرى برفعة الانسان المصرى .
وصدق استاذنا فاروق جويده حين قال :

أوطاننا صارت سجونا واسعة
والسجن سجن أينما كان
الناس تعشق عمرها فى الطين حين يجود
فى الماء حين يفيض
أنحب ماء النهر ان متنا من الظمأ الطويل
أنحب أشجار النخيل ونحن تحت جذوعها
نلتاع جوعا
لاتدعوا انا نحب الارض حباً فى التراب
فالناس لا تهوى التراب
الناس تعشق أرضها من اجل بيت او حبيب
او رغيف او أمل
أما التراب فلا يساوى اى شى كى يحب

مش ثوره

كل الى بيهلل للظيطه الى حاصله فى فلسطين المحتله من عصابات بنى صهيون
فاهم هو بيعمل ايه ؟؟ هو فى حد محتل بيعمل ثوره اصلا
انت فاهم انت بتتعاطف مع مين؟
وبتدى شرعيه لمين ؟
وتطبيع معنوى وشعبي بالمجان لمين ؟
كل ده لعدوك ايا كان اسمه بقى.
اسرائيل كلها مجتمع محاربين يعنى نتانياهو زى غيره وده بشهدتهم هما

رئيس وزراء إسرائيل الاول دفيد بن غوريون "اسرائيل عبارة عن مجتمع للمحاربين".

الباحثة والكاتبة الصحافية الإسرائيلية إرنا كازين " فأن من يطلع على مناهج التعليم في المدارس الاسرائيلية في جميع المراحل لا بد أن يلفت انتباهه التوجه العام القائم على التنشئة التربوية على روح العسكرة والتطوع للجيش واعداد الطفل حتى يكبر ليصبح مقاتلاً، لتكريس الروح الاسبارطية "

بلاش نبقى اغبيه وندى حجم للقضيه اكبر من حجمه ونهلل ليهم ويكسبوا تطبيع شعبى بالمجان ياريت كل الناس الى هللت للصوره دى وفتكرت انو انجاز للثوره المصريه يعيدو تفكيرهم تانى انا كمصرى ميشرفنيش ان علمى يكون موجود جنب علم الكلاب دول بالعكس ده يخلينى حزين جدا

مش احنا لا هما

مش احنا بقعدتنا مع بعض على النت الى عملنا الثوره واسقطنا النظام الى يظن كده يبقى غلطان الى اسقط النظام مش احنا لا هما لم نزلو الشارع معنا واتحركو من صمتهم احنا قعدنا سنين بنكتب وبنتكلم ايه الى حصل ولا حاجه مفيش حاجه حصلت بجد الا لم الناس دى نزلت وتحركت بس للاسف ابتدينا ننعذل عن الناس دى تانى ونرجع لعالمنا الافتراضى تانى ونبعد عن الناس دى لا فى توعيه ليهم ولا اى شى ورجعنا تانى نناقش فى بعض على صفحات الفيس بوك وننتقد فى بعض اه احينا ده بيكون مفيد بس مفيد لمين لينا احنا طيب وهما الى عملوا الثوره هنسيبهم يرجعو تانى يتقوقعو على نفسهم ويتلهو فى لقمة العيش وبس باهملنا ليهم لو ده حصل وللاسف بيحصل دلوقتى صدقونى فى يوم من الايام هنرجع تانى لنقطة الصفر ومهما رفعنا صوتنا من خلال الفيس بوك مش هنقدر نغير حاجه لزم صوتنا يبقى عالى من خلال ان هم يكونو وعلى وعى بحقوقهم ووجباتهم
سعتها هكون على يقين ان ثورتنا استحالة تتسرق او تتراجع

ان بعض الظن اثم

هو فعلا مصر فيها ازمة غاز ولا ازمة ولا دى حاجه "سياسية "  مقصوده . كلنا عرفين ان ازمة الغاز دى بتحصل كل سنه بس معاده بيبقى فى الشتاء مش فى الصيف . يعنى وقتها كان ايام الثوره  بس المخلوع بغبائه حب يوصل للناس ان مفيش اى ازمات فوفر الغاز والسولار علشان يوصل للكل ان "العيال دول " مش موقفين حاجه فى البلد شكرا لغبائك يا مخلوع اختصرت للشعب الازمات كلها فى ازمه واحده وهى انت ونظامك .

 بسوء ظنى بعتقد ان حكومة ما بعد المخلوع لسه فيها ناس بتفكر باسلوب حكومات المخلوع بيستخدموا  ازمات من صنعهم لتكميم افوه المصريين يحصل ضغط بان فى ازمة غاز واحنا زى الشطار بنشارك فيها . وجايز اكون زى ما قلت سى الظن وحكومتنا الموقر حبت متقطعش لينا عاده فلقت ان الازمه محصلتش فى الشتاء فحبت تعملها فى الصيف !!.

معلهش بقى المره دى كمان

معلهش بقى المره دى كمان يكسب الشعب المصرى ويخسر كل الى شكك فيه المره


دى كمان تثبت الجماهير الغير مسيسه انها هى من تحرك الشارع المره دى كمان


يخسر الاخوان ويخسر السلف ، بس السلف معذورين مجربوش سياسه قبل كده


خبرتهم قليله وهو ده منهجهم من زمان بس الاخوان ايه عذرهم ..؟؟ جايز يكونو مش


عارفين طبيعة الشعب المصرى !! ولا لسه فاهمين ان الشعب المصرى هو نفسه الى


قبل 25 يناير !! سلبى ومحتاج حد يحركه لو فاهمين كده يبقو محتجين تعيدو دراسة


الشعب ما بعد 25 يناير . بس النهارده فى الميدان كان فى بعض السلفيين بس ده


عادى السلفيين كتير وملهمش قيادة موحده يشتغلو تحتها بس الحاجه الغريبه كان فى


بعض الشباب بيقولوا انهم من شباب الاخوان هو مكتب الارشاد بيمثل نفسه بس ولا


ايه ؟؟!! بس الاغرب من ده انى عرفت ان الهلباوى القيادى الاخوانى زار الميدان


بيفكرنى بى الى حصل فى جمعة التطهير (1) لم الاخوان منزلوش ولقو الاعدد كبيره


بردو احد قيادتهم زار الميدان وقال انهم منزلوش علشان مكنش فى تنسيق واضح . و


قررو ينزلو جمعة التطهير (2) ودعوا ليها كمان على كده مش بعيد الاخوان يدعو لجمعة


الغضب (3)!! . بس انا كنت متوقع ده من امبارح وقلت ان الاخوان بعد العصر لم يلاقو


الاعدد كبيره هينزلو علشان يقول احنا كنا معاكم زى كل مره . ..




شكرا لكل من خونا شكرا لكل من كفرنا بس المفروض الناس الى كفرت الى هينزل


الميدان دول يحتفلو ا النهارده بالى نزل لان الناس صلت الجمعه هناك والعصر كمان


يعنى الملحدين والعلمانيين والكفر صلوا ..


يارب لك الحمد كما ينبغى لجلال وجهك وعظيم سلطانك . لم تكن جمعة الوقيعه كما


سموها بل كانت جمعة الانتصار للثوره جمعه اثبتت ان الميدان للمصريين كل المصريين ليس للاخوان ولا للسفيين فحسب ولا لاى قوه سياسيه بعينها .


شكرا للاخوان مره ثانيه فكلما تاخرتم عنا تعطونا المجال لنكسب ارض فى الشارع من جديد .

200 الف جنيه

هو الظاهر كده والله اعلم ان مصر مذنوقه فى 200 الف جنيه

يعنى العملية لا بسطره ولا حاجه من الكلام الفاضى الى قلته امبارح

كل القصه كانت ان مصر مذنوقه فى 200 الف قالت نفرج عن زكريا عزمى

ونخدهم يفكوا ازمه لم الناس اعترضت حبسوه تانى و افرجو عن إبراهيم كامل

بردو بكفاله 200 الف جنيه !!!!!
19/5/2011 

جارى الان عملية بسطرة الشعب

رئيس الكسب غير المشروع
ظهر دليلان جديدان ضد زكريا عزمى بعد صدور قرار إخلاء سبيله .
طبعا مفهوم الى هيحصل بعد كده النقض الى قدم على قرار الافراج هيتم قبوله وهيتجدد حبس عزمى تانى يعنى بالمختصر كده احنا كنا فى مرحلة بسطرة للشعب يدخلونا من بارد على سخن على بارد تانى .
بس الغريب النهارده وانا بسمع كلام الرجل ده حسيت انى بسمع السادات فى الخطاب الاخير فى مجلس الشعب وهو بيمجد فى نفسه ويخبط بايده على المكتب الى امامه
18/5/2011